">الأول : كيفك يا زلمة وكيفو ابوك انشالله تحسن ؟
التاني : انا ماشي حالي الحمد لله بس الوالد عطاك عمره
الأول :العمر إلك بعرف كان عندو القلب , الله يرحمه
التاني : بس والله ما مات من القلب
الأول : كيف توفى؟
التاني : الله يرحمه بآخر فترة ضعف نظره كتير , مرة طلع عالبلكون ما شاف طرف البلكونه
وقع وبتعرف بيتنا ثالث طابق
الأول : له له على هالموتة ، بكل الأحوال الله يرحمه
التاني : والله تعذبنا فيه كتير وعملنالو شي 12 عملية لتحسن وطاب
الأول : لكان كيف توفى؟
التاني : صار يحمل عكازة ومرة عم يقطع الطريق, سيارة مسرعة خبطته
الأول : يه يه الله يرحمه
التاني : ربك رحيم كان فيه جار إلنا حطه بالسيارة ولحقو عالمستشفى بس النزيف الداخلي كان رهيب
الأول : الله يرحمه بكل الأحوال
التاني : بس
سفرناه على اسبانيا وضلينا شي 6 أشهر عم نعالج فيه والحمد لله تحسن
الأول : طيب كيف مات ؟
التاني : صار معه فشل كلوي حاد وصرنا ندور على متبرع كلية وتأخرنا وصار معه تسمم
الأول : الله يرحمو ارتاح
التاني : بالصدفة إجا شخص بيعرفه من زمان تبرعلو بالكلية بآآآآآآآآخر نفس
الأول : لكان كيف مات؟
التاني : والله مرة بالبيت وهو قاعد ما انتبه عالغاز احترقت الشقة وهو لحاله فيها
الأول : يالطيف على هالموتة ما أبشعها الله يرحمه
التاني :بس والله جارنا
الله يجزيه الخير كسر باب البيت ولحقو بآآآآآآآخر لحظة
الأول : لك فهمنا كيف مات ؟
التاني : والله اضطرينا نطخه
موضوع: كيف ماااااااااااات اضحك هههههههههههههههههههههههههههههههههههه 
الإثنين يونيو 01, 2009 8:14 pm