حبيبي طالبتك أن جت لحظه وافترقنا
لاتخلي وحـدة تاخـذ مكانـي
ولاتخلي بيـتي اللـي بقلبـك
به تعيش انثى ولو بضعـة ثوانـي
ومعك أمانه يابعـد حيـي وميتـي
لاجلست بجنبهـا غمـض عيونك عشانـي
وأذكر اني قلت لك يـاروح روحـي
أنت ملكي بس ماانـت لحـد ثانـي
أنت قلـب ماانخلـق إلا لقلبـي
وأنت روح نبعها سال وسقانـي
وأنت لي وحدي ولا كثـري يحبـك
غير قلب في دروبك لك سبانـي
وكـان وصلـك ياأميـري ماتهيـا
أوعدك ماانساك لو عمري نسانـي
وكانهـا الايـام جـادت واجمعتنـا
والله اني لا اشعـل سنينـك أمانـي
واحتفل بك كل لحظه وأنت جنبـي
وأعزف حروفـي لخفاقـك أغانـي
وأنثر ورود الوله واسقيـك لهفـة
خافق لاغبت لحظه جاك عانـي
وأجمع سنينـي وأبعثرهـا بكفـك
وأسرقك كلك هنـا بيـن المحانـي
وأفتدي روحك بروحي يـا بعدهـا
وأنزع همومك وأطوقـك بحنانـي
ماأبي بـرد الهمـوم بيـوم يلفـح
خاطرك وإلا تجـي لحظـه تعانـي
هااااااااات همك في وسط جوفي وصبـه
وكان به غيره تعال وصـب ثانـي
وأعطني قربك وانا بعطيك عمـري
وأهدني لحظه وخـذ مني زمانـي
ياأمنيـة عمـري أذا قالـوا تمنـي
ويااصدق أنسان ٍ بقلبه أحتوانـي
وياملاذي لا بكيت وضاق صـدري
وياوطن عمري إذا عمري جفانـي
ياحنـون القلـب ياتاجـي وعـزي
بك نسيت الناس والغيـت الموانـي
ياهلي وناسي وكلـي ياحياتـي
وياحواسـي كلهـا دون إنقصانـي
وكيف قلبي عاف كل الخلق لجلك
وصار لجلك مجرم وأيضـا أناني
وأيه أناني مايبـي فيـك يتشـارك
مع بشر بالكون لا قاصـي ودانـي
وأيه أحبك وماأعيش بدون وصلـك
وأيه أموت أموت في بعدك واعاني
وأيه كلي فدوتك من قلـب اقولـه
بس تكفى ( لايجي غيـري مكانـي)
موضوع: لايجي غيري مكاني 
الثلاثاء يونيو 02, 2009 11:52 pm
