الخيانهـ****

موضوع: الخيانهـ**** الجمعة يوليو 24, 2009 11:07 pm

قصيدهـ عن الخيآنهـ ,,, اللهـ يبعدنآ ويكفينآ شر الخيآنهـ ,,, الخيانهـ**** Sm1

للشآعر / مشعلـ المنآور ..

/
\
/
\

خيانهـ .. وأنتهت آخر سوالف عشقي المجنون
سوالف عشق يآما النآس قآلتها وعآدتها
حكوا عني وحكوا عنها وعن حب ملآ هالكون
وكانوا يحلفون بحبنا وصدقي وطيبتها
وكم واحد تمنى لو خذا من لون حبي لون
وكم وحده تمنت لو تشابهنا حكايتها
أنا ويآها كنا حلم بالمعنى وبالمضمون
لكل أثنين قصة حبهم تعلن بدآيتها
وفي ليله صرخ فيها الوفا من ظهرهـ المطعون
بدايتها جروحي والوفا مات بنهايتها
في ذيكـ الليلهـ كان اهون علي أحيا بدون عيون
ولا أشوف اللي شفتهـ من حبيبة قلبي ساعتها
بعيني شفتها ويآهـ تضحكـ لهـ وهو مفتون
سعادتها بقربهـ تشبهـ بقربي سعادتها
وهو طاير من الفرحهـ ولا يدري بأنها تخون
ويمكن يدري وساكت ولا تهمهـ حقيقتها
بعيني شفتها ماهو حكي واشي وخيآل ظنون
بعيني ليت عيني عمرها مايوم حبتها
وقفت .. لسان حالي يقول : ليه ؟ ومن متى ؟ وشلون ؟؟
عساي ألقى سبب واحد يبرر لي خيانتها
وأدور للجريمهـ ثغرهـ في كل مذهب وقانون
ولكني عجزت ألقى عذر يغفر جريمتها
قبل هالليلهـ كنت أسمع كثير من البشر يشكون
من سيوف الغدر وأضحك وأنا أتباهى فبراءتها
أنا ماكان عندي شك ولو واحد من المليون
في صدق اللي تقولهـ عن غلآي وعن محبتها
خيانتها عطت حجهـ لكل اللي يبي يخونون
ومن هالليلهـ كل خاين بيتعذر بقصتها
مادام أوفا البشر خانت حرآم الباقي ينلآمون
وكلمات الوفا لا عاد أحد يطريلي سيرتها
خيانهـ .. وأنتهت آخر سوالف عشقي المجنون
وضاع الحلم في ليلهـ الوفا مات بنهآيتها

/
\
/
\

وأتمنى تنآلـ إعجآأإأآبكمـ ^_^ بصرآأإأآحهـ أعجبتني ونقلتهآ لكمـ ^_*

يسلمووووووو